宿霧Cebu 五日五晚 自由行 day 5

第五天 星期五 28-03-2008

今日是在 cebu 最後一天喇
一早先向 reception request 延遲 check out (下午 2 點)

由於昨天，整日都外出
所以今日要玩吓酒店設施啦
book midtown hotel 包含早餐
當然先食個 buffet breakfast
座在餐廳內，邊食邊望街外鬧市
自由行嘅精粹，莫過於此

餐後先去樓下 health club 做 gym
個 health club 好 mini ，好在無其他住客使用

大姐同我再去迷你泳池曬太陽 (真係幾 mini，訂房網站嘅 review 形容為「大浴缸」)

咁樣睇，就唔覺得泳池細

 

但呢一張，泳池大細，就原形畢露

曬完返房梳洗完畢，收拾好行理後，只不過中午 12 點多 d

我同大姐再去對面賭場玩幾手
近賭場就有呢個好處…或者是壞處 ^^

  留意相片中心位置，就係大姐同我，行去賭場真係好近

哈哈! 今次都係贏錢走，雖然只係幾百蚊
但兩日來，已贏千幾二千蚊
等如免費住 midtown 兩晚，再送兩餐

今晚班機 9 點幾起飛，即係話 5 點前上車就 ok
所以 check out 後，將行理寄存喺 midtown
然後 lunch、shopping、買手信

由於所剩餘時間不多， lunch 地點再選 grill restaurant
用餐後行返去 midtown hotel 樓下嘅 robinson mail 買手信
robinson mail 內，都有好多商店，還有一間超市

robinson mall嘅超市，都有好多嘢買

去 cebu 買手信，當然唔少得芒果乾喇
嘩! 原來芒果乾有十隻八隻唔同牌子，最貴係 7 days
仲買咗好多香料、即沖咖啡粉、濃縮果汁、沐浴露…
恨不得多帶幾個行理箱

望吓個錶，剛剛 4 點，仲有時間剩
呢幾日大家都玩夠行夠，好攰喇
不如去 foot massage ，呢個提議一致通過!

入咗間泰式 massage 店，剛好有 4 個技師空閒
可惜我哋只可以按半個鐘
簡直舒服到暈…

一齊按腳仔

懷著滿足嘅心情離開 massage 店後
返到去 midtown hotel ，攞行理去機場
叫酒店嘅 bellboy 替我哋 call taxi (唔記得 200 定 300 peso)

珍等 taxi 嘅時間，將剛才6 個膠袋嘅手信
化整為零，放入行理箱

沿途無塞車，未夠 6 點就到機場
cebu pacific 嘅 counter 已經開咗
早 d check in 有著數…

菲律賓馳名嘅雪糕店，就在機場離境大樓
購買後，會替你 pack 好上機

再去機場對面嘅 waterfront 賭場 see see
機場行去 waterfront 好近，過對面嘅馬路，再上樓梯就到

waterfront 賭場比我哋之前嘅 rajah park 大型得多
就算唔入賭場，都可以周圍影相，坐餐廳食嘢

因為入場規則關係，小妹無得入 waterfront casino
(多名護衛把守賭場入口，睇形勢，無得側側博)
我哋兵分兩路，相約半個鐘後大門見
愉快女和小妹周圍參觀
大姐和我入賭場，再試運氣

手上還有 7800 多 peso，只要留下離境稅，都仲有成千蚊港幣
一於賭輪盤啦，輸吓贏吓，兩三個會合…
終於清袋! 真的財散人安樂
anyway 都懷著很享受嘅心情上機

原訂時間起飛，準時到港
等行理時，大姐: 「個 trip 咁快就完喇!」
「係囉係囉…」原來大家都覺得個 trip 太短
恨不得馬上再出發

全程完畢 多謝觀看

後記

很久沒有一家 4 口一起旅行
雖然此次宿霧之旅並什麼豪華旅遊
但比起多年前，全家暢遊洛杉磯，感受深刻得多
可能因為大姐、小妹都長大了
以前是「需要照顧家人的自由行」
現在卻是「與家人分享的自由行」

例如過關填表
以前是由我一個人填好四份
現在大姐、小妹反過來替我們完成
以前玩水上活動，要叮囑她們小心
現在她們會說︰「小心 d 喎」
大姐在旅程中經常說︰「一家人去旅行，真係開心!」
以上的情況，相信要為人父母者
經過多年付出，才會深深體會

在此特別鳴謝 jacky man
若不是他每天下斑後，到我家照顧兩隻小狗
喔! 它們就要住狗酒店，我們那會如此無顧慮享受假期

由於這次是家庭樂，不想太奔波，所以沒有去保和島
如果下次只得我和愉快女，就會以保和島為主

以下是一些建議和觀點

1) 治安︰
有人認為菲律賓治安差
依我親身所見
在 cebu 不用過分擔心
好像 lapulapu city
晚上 11 、12 點後
大街上依然很多行人
反而在 cebu city
深夜後，途人少得很明顯
據的士司機說，可能菲律賓人
容易擁有槍械，怕醉酒佬失控
亦因以上理由
大型商場會在入口處檢查手提袋
整體上來說
cebu 的人都很善良，治安可以接受

2) 錢幣兌換 :
cebu 機場兌換率當然比較低
可先找換少量
主要的大型商場都有 money exchange
有些兌換店晚上 10 點才關門

3) 酒店︰
cebu 為潛水勝地
來到當然要享受陽光海灘外島遊
多數 resort 都設於馬旦島
雖然有天橋連接 cebu 市
但出入市中心會很浪費時間
所以如需離開酒店用餐或行街
lapulapu city 是個很近的選擇
若選擇 cebu 市中心的酒店
去玩水上活動，就沒有那麼方便

4) 交通︰
無論 cebu 市或馬旦島
都很容易找到的士
但大多數司機都不主動使用 meter
在 cebu 市內，還勉強可要求司機用 meter
若長途一點，例如市內去馬旦島
司機都會開一個價錢，記得還價

最後強力建議帶防水相機
10 米防水已很足夠
用於水上活動、泳池玩耍、海邊慢步
以增加樂趣

祝大家遊途愉快

宿霧,cebu 五日五夜 day 4,入住midtown hotel, 入賭場casino (rajah rark hotel)

27-3-2008

今天是在 tambuli 最後一天喇
下午要到 cebu city 嘅 midtown hotel
晨早 8 點去食 buffet breakfast (訂房不含早，好像 200 peso 內)




大姐小妹，食得多開心

 

  
最後一個 tambuli 嘅上午，都不想外出
向 reception 要求了一時才 check out
所以有充足時間，去曬太陽、歎泳池、學菲律賓話
無錯，係學菲律賓話 …
因為昨天喺  tambuli east 嘅泳池，認識咗一個菲律賓小女孩
相約好今早在泳池，再教我哋菲律賓語

 

 

 


打泰拳?

大約 11:30 回房梳洗、收拾行理
向 reception 要求 call taxi 去 cebu city
價錢係 300 peso，網友話: 最低價試過 200 peso
無所謂啦，相差 hk$ 20 啫

一時正出到大堂， taxi 已經等候中
今次反方向去 cebu city 嘅路程中，無塞車
嘩… 都唔使 40 分鐘

book midtown hotel 嘅原因:
唔貴，hk$ 600 內
地點好方便，樓下就是 robinson mail ，有 money exchange
過幾條街好多 bar ，夜生活林立
總之落樓就乜都有喇 …

check in 後，上房一睇…估唔到…
酒店方面留錯 one bed 嘅房
再換 twin bed 後，浪費咗大半個鐘 …

換後嘅 twin bed room 個view ok 啦
房間都唔太細 (經驗所得，鬧市中嘅酒店，比想像細得多)



個 view 唔錯吖

 

MIDTOWN HOTEL 嘅 twin bed room　

仲有樣得意…個冰箱比起一般酒店多放飲品
每枝大約 15 peso ! 真係怕你唔飲呢

問過酒店職員，知道 waterfront 個賭場距離好近
搭 taxi 都係 50-60 peso (waterfront 有兩間，一間近機場，一間係市中心)

放好財物於大堂 safe deposit box後
向今日最主要目的出發… 就係賭場同酒吧喇
不過此刻肚餓，食 lunch 先 ^^

距離 robinson mall 兩個街 (西行方向)
見倒有間 grill restaurant 嘅半露天餐廳
啤酒勁抵，剛好又熱又渴，一於試試

grill restaurant  超低

嘩…好多食物種類， waiter 介紹咗傳統菲律賓菜色
味道都 ok 喎，最好味係 上湯浸 tuna 魚
waiter 還介紹 grill restarant 晚上會有 singer 表演

原來 midtown hotel 對面都有 casino (rajah rark hotel)
只不過無 waterfront 咁大規模
嘩…咁近，一日去幾次都得喇…

midtown 樓下對面就是casino　

既然如此，去 SM mall 行陣先
taxi 去到 mall 嘅門口，盛惠 40 peso
SM mall 在當地都算大規模 ( 同 ayala 差不多)
不過入場都係要 check 袋 (cebu 商場處處如是)

 

 

 

 

天色終於都轉黑啦! hehe
可以去 rajah rark hotel 嘅 casino
我哋喺門口，先看入場規則…咦…咦
乜…要超過 21 歲才可以進場
咁…呀小妹點算呢? 16 歲都無!!??

於是我哋教小妹，如果有賭場職員查問
就自稱已經  21 歲啦
「俾 d 信心自己，佢哋唔知你年紀架」
「係呀! 菲律賓人唔識睇中國人年紀架」
以上說話，都唔記得邊個講 ga la

小妹唔夠21歲都入得 casino

去到賭場入口，真的有一個職員把守
職員見到小妹，就問佢年齡…
「um … already over 21」
個職員唔太相信，問小妹 : 「你那年出生 ?」
小妹可能心虧，猶疑了兩秘才答
後來我哋幫口，加上可能職員覺得係旅客
「ok ok」「let you go」
rajah rark hotel 個賭場面積都唔大
電子輪盤、電子 21 點再加老虎機咁喇
愉快女同小妹，玩咗陣就返酒店
倒是我同大姐，兩個愛賭鬼仍然留下
因為在 cebu 賭場嘅注碼相對細
一千幾百港幣玩好耐，無壓力之下當然愛賭啦
所以大姐和我……係贏錢返酒店嘅

一致決定，再去 grill restaurant 晚餐
現場 singer 唱得幾 ok ，氣氛都好投入
晚上人客比白天多得很

grill restaurant 嘅職員都好熱情

飲飽食醉離開  grill restaurant 後
再轉入另外一條酒吧街
每到一間酒吧門外，職員都向我哋揮手請進
隋便一間，推門一看
嘩…脫衣 show ?!
原來附近酒吧都係如此形式
我哋：「18 歲以下入得嗎？」
職員；「無問題，一樣歡迎！」
免收進場費，不設最低消費
啤酒…好似 120 或 100 peso 一枝　
只要每人 order 一個 drink 即可

於是進場消費，場內不能拍照、錄影
都係個類形式啦，disco 燈光加音樂
半裸或全裸 dancer 跳鋼管舞
身上掛個號碼等台下嘅男人 order 坐枱

總共 order 咗 7 枝啤酒
現場所見，酒客都好斯文安靜
"欣賞"咗接近兩個鐘，個個都眼訓喇
埋單計數……
無花無假，只計 7 枝啤酒錢，無呃人
是夜凌晨兩三點至訓 ZZZ…ZZZ…

 

待續……