內文撮要：住長洲華威酒店，有海景露台，兩日一夜，玩下沙灘，浸完海水玩完沙，上房沖涼就搞掂。
喺長洲食下海鮮，仲有出名嘅大魚蛋，只要唔肚餓就係咁食食食… 兩日一夜嘅假期，都唔錯㗎， 下次可以玩多幾日
在中環 5號碼頭坐1點開出大船，沿途吹吹海風，輕輕鬆鬆，一小時後就做了長洲。
步出碼頭向右轉，沿著東灣路，向華威酒店進發，天氣熱，馬上要買水果沙冰消暑
小朋友不要食太多添加糖分，你都係食原塊菠蘿冰啦😂
你咪當一歳幾小朋友懵盛盛，不停要品嚐大人手上的沙冰
長洲獨有的迷你救護車
繼續沿著東灣路步行，就會見到bnb Cheung Chau - Tung Wan
然後右轉經過長洲家樂徑，好快就會到華威酒店
咪住！仲要上埋呢條斜路，華威酒店正門喺斜路上面
呢個就係華威酒店嘅 reception，2：30 已經可以check in
我都係第一次住華威酒店，右邊就是進來的樓梯，前面就是到樓上的電梯
酒店游泳池則有燒烤樂園，可惜此刻泳池未曾開放
正呀！華威酒店餐廳有蒸氣海鮮鍋
可惜疫情關係，週一、二、四、五晚市休息
今次訂了兩間海景露台房，都在四樓，我和愛妻在最單邊的一間，一進房間，最吸引的，就是這個小小的海景露台
從露台右側還可以望到直升機坪 (可以好近見到直升機起飛降落)
間房係就係細咗d，不過乾淨整齊(帶咗大枝酒精，能夠觸摸嘅地方，都會自行消毒)
浴室只有企缸，沒有浴缸
房內有個小雪櫃
漱口杯和紙巾套，都配上海洋主題
華威酒店露台海景房，都有度假feel㗎
下午3、4點到東堤海灘最右側玩水，靠近酒店這邊，旅人比較少， 最估唔到，係東堤海灘水質已經好咗咁多
坐海灘邊，衝下浪花，都幾嘆㗎
玩到黃昏時候，小朋友要返房瞓一陣，我和愛妻就四圍走走看看
原來東灣泳灘前面的酒吧士多，可以租太陽傘太陽椅
黃昏六點幾，一啲都唔曬，就行過隔離觀音灣泳灘睇下
這位置，是介乎觀音灣和東堤泳灘的一間望海 cafe酒吧之類，可惜今天休息
觀音灣就係李麗珊訓練風帆嘅地方呀
在這裏近距離，感受直升機升降的風力，愛妻的cap帽都被強風吹落沙灘
還不特止，我們走到直升機坪側邊的石墩 影月亮
晚上七點多，華威酒店四周開始亮燈，景色又不一樣了，go go go 出發去食海鮮晚餐
酒店樓下，有好多長洲資料，搵食介紹
從酒店步行十分鐘，來到北社海傍路 (長洲碼頭左手邊)，這裏有眾多的海鮮飯店，聽從朋友介紹選了這間恆樂海鮮菜館
豉椒蟶子
薑蔥炒蟹(加100蚊要靚d嘅)
蒜蓉蒸開邊蝦
椒鹽鮮魷和肉絲炒麵
四款海鮮套餐，味道都不錯 ，只是椒鹽鮮魷硬了點
食完飯在長洲碼頭附近逛下
因為賣糖水的小販，10：30才營業，等待期間又食下大魚蛋咁啦
還有這款原個西瓜冰，雪凍了的西瓜在客人面前打開頂部，然後放入電動攪拌機把果肉打碎，用飲管連汁帶西瓜肉，一起啜，又幾方便喎
今日又游水又行街，瞓得好冧之下，半夜兩點幾被直升機降落吵醒 (有長洲居民需要緊急送院服務)，都算係一種體驗
下一篇：長洲華威酒店·海景露台房·香港酒店假期 第二天按此
