day 1
撘朝早八點幾起飛嘅 OX
两個幾鐘好快過，終於安全降落泰國嘅 Suvarnabhumì「蘇汪立蓬」機場。
攞完行理後當然先搵 money exchange 啦，我地夾咗八千蚊港幣一齊用，rate 係 1：4·3 不過不失啦。
好！馬上向芭提鴉出發，由機場去 pattaya 既車，之前經網上訂咗，盛惠 2000 銖。
一出閘就有人揸住個名牌等你箇隻，係架十人豪華 van …
無錯，係十人 van 呀，「使唔使呀！？」，比普通七人車貴 500 銖啫，平均每人俾多廿九蚊港幣，好在團友們都唔係斤斤計較之人
友人 S 唔覺意……膝頭裏面半月板裂咗…機票酒店都訂晒，仲入埋院…好彩唔使做手術，終於都可以四個人一齊出發。
搞笑…呀 S 驚住隻腳會痛，所以帶埋枝鐵拐杖，臨寄倉先那那聲拆拐杖放落喼
去 pattaya 既公路上好暢順，無塞車，
可能早起卦，途中大家都…ZZZ…
個幾鐘後义滿電醒咗，見到路牌標示 pattaya 不遠囉。
頭两日 stay 喺 pattaya 北嘅 green park resort hotel ，一間開業好耐嘅三四星級酒店，房唔太細，地下箇層，有露台對住泳池，貪佢無乜亞洲人入住，可惜無 connecting Room。
間房安頓好後，第一時間去租…電…單…車…車…，頭先見倒 green park 門口有間車檔，咁近就手呀，不作他選啦。
一輪講價後，每車每日 180 銖，租咗三架，按金 3000 銖，「四個人租三架？！」
友人 A 係女仔嘛，細胆啲都好應該吖，咪坐下我車尾有時又坐下 J 車尾囉…
有人話喺芭堤雅揸電單車好危險，我就覺得…視乎你有無路面經驗而定。
芭堤雅車速一般都比較慢，喺市區裏面只要小心前後左右就 ok。
但如果入郊區經過嘅公路，車速會快 d
而慢線路面有時又爛爛地…所以喺市區代步，唔使下下撘的士，價錢仲要估估吓
（芭堤雅無典型的士，只係有两排車 songthaew 「爽條」）
唔覺唔覺都下午三點幾，肚仔餓啦
好！去食地道嘢。先去近住 green park 嘅
naklua road，買隻燒雞先，100 銖成隻…想點呀！
再去對面路邊食店 order 湯米、炒飯、炒麵、炒雜菜，當然一定有啤酒。唔知點解泰國求其一間食店炒雜菜都好好味呢？
食完嘢，決定去 pattaya 海灘問去外島價錢，我地唸住唔去珊瑚島，因為灘唔得，食物唔好食。睇網站介紹 koh sak 好似得 d，問過三两個 guide ，揀咗開價三千銖箇個，淨快艇來回，其他乜都唔包，到時浮潛用品自費，俾咗五百銖 depost ，攞埋電話約咗聽朝十點，總之臨過嚟前俾電話老細啦。
呀！要買啲飲嘅食嘅預備夜晚用咼，友人提議去 big c mail ，好呀，由呀 S 帶路……問題就嚟啦…
三架車，只要跟著帶頭箇架，本來無問題，但衰在有燈位呢！
三架車，只要跟著帶頭箇架，本來無問題，但衰在有燈位呢！
頭車過咗黃燈，咁後面两架咪要停囉，而頭車又無發覺…就係咁同友人 S 失去聯絡
呀 J 、呀 A 同我揸住電單車周圍搵呀 S 影踪，各位估吓搵倒嗎？梗係…
搵唔倒啦！咁唯有先返酒店，可能呀 S 返咗去呢！到我地返到酒店門口，已經見到友人 S ，噓！…「你去咗邊呀？」
友人 S ：「我蕩失路囉，都唔知去到邊，無帶錢，架車又就嚟無油，幾驚返唔倒嚟！」
我地一邊哈哈，一邊笑佢「一個人…?? 都唔知係咪知去咗…？」
呢個時候天色已黃昏，去油站入油後
再喺 seven 買酒同零食放喺酒店等夜晚用。晚上八點幾，係時候晚餐啦，周圍睇吓有乜好食先…呢個時候你就會發覺租電單車嘅好處，行到邊食到邊、車泊門口、見倒過癮嘅又可以入去望吓，記得有網友話：泰國咁熱邊會有得打邊爐！？
就係咁啱俾我地搵倒一間好多泰國人幫親，打邊爐同燒烤都有得食。
BUFFET 形式，有海鮮，枱面放個炭爐
上面加個龜背火鍋之類咁啦。
啤酒當然唔少得，啤酒姊姊介紹三公升裝俾我地。
哈好大look呀，味道就…清啖 d 。
食咗成两個鐘都夠啦，枱面淨低嘅都食唔晒。
好！埋單…咦…點解計多咗三百銖?
侍應又唔太識英文，喺一輪雞同鴨講指手畫腳之後終於明啦！原來該店大大隻字寫明，食唔晒係會收罰款…
衰在係寫泰文呢！呀义識呀？！
友人 A 對侍應講：「我地都唔知，你知又唔話我知！」
果然有（原則女）本色，
無奈一樣要照俾罰款，算啦一百幾十。食完晚飯，梗係去浦啦！
友人 S 提議去 starnight disco，因為佢上次去過，
都好近啫，喺 naklua road 之嘛。
去到一問入場費，六百銖都唔貴吖，
再問，原來入面禁煙咼！咪玩啦…飲酒唔俾吸煙…¤＃＊
唯有去第二度，去到 beach road 又未到 walking street 咁上下，就入咗間叫 bule lagoon 嘅 ago go bar，
其實我地志在有音樂底下飲吓酒，
一早八點幾就起身去食早餐，因為要去外島 koh sak 囉。出發前致電個guide ，佢叫我地去海邊搵快艇 365 號，揸車唔使三分鐘就到海灘路，幾方便週圍都有泊位。
好快就搵倒架艇，可以坐 6 個人咁上下「大」隻。
我地啱自己嘅潛鏡氣喉同蛙鞋，盛惠每人 150 銖
馬上落水…潛下潛下，見倒條鰻魚喺大石下面
哪哪聲叫佢地嚟睇
咦？點解友人 S 離我地咁遠嘅？
原來友人 S 唔慣用氣喉，覺得唔好玩，無跟著前進。
咁，三個人繼續浮潛...有大群快閃細魚…
直至去到佈滿密集海胆嘅區域先返回上。
離開水面後，每個人都開始揸太陽油
我地帶咗幾種唔同功能嘅太陽油，原來最受歡迎嘅油…
係…黑鬼油，去貨真係快！
晒下玩下傾下，夠鐘走啦，島上有俾錢沖身嘅地方
但太…簡陋啦！一致決定返酒店先搞衞生。
船家一路都喺岸邊等待，直至我地返到 pattaya Beach
先收尾數，一敞外島遊唔使
4000 銖，都低吖。
因為喺外島晒得太熱
所以返到酒店喺泳池浸吓散熱，反正未餓。
沖完身後，都已經五六點，哈！咁樣慳咗個午餐！
友人 S提議去食翅，「上次箇間呀！」係今個 trip 嘅口頭禪！
食翅間酒家喺 hard rock 左近
六點幾鐘只得我地一枱客，好似包廳咁！
Order 咗四 set 套餐，啲套餐其實可以两個人食一個，
內容有：紅燒翅、原個椰汁燕窩、肉蟹粉絲㷛
我地再order個炒河粉，加一人一碗飯！
又飲啤酒！點食得晒！
最後個個都攬住個肚走！
沒有留言:
張貼留言