食完飯已經 7 點幾，有 d 飯氣攻心，
團友們都覺眼訓。來到泰國無理由唔做正宗泰式按摩﹏
係 big c mail 同 second road 之間搵倒間合心水既 spa
兩個鐘 500 銖。
入到房換完衫後，分別來左四個嬸嬸﹏
個人經驗所得，靚女係唔識按摩既！
嘩！簡直舒服死，事後證明估計正確。
順便睇下有無泰拳比賽，原來呢幾日會有咼！
十點幾都未到，唯有係 big c mail 內行下買下手信
夜 d 先出動啦。
一句「上次箇間呀！」
就去左一間叫 fashion club 既 pub，
要由 beach road 再入 soi 6，係大街係見唔倒既，
間 pub 門口泊左好多靚私家車，睇怕夠 classic 啦卦！
我地四男女飲完一枝芝華仕已經兩點幾，
係時候返酒店…ZZZZ…
早餐完就嘆陽光同泳池
好在一早要求兩點 check out 啫。
check out 後 d 行理寄存酒店先，方便食 lunch。
琴日食得甘豪，今餐咪慳 d 囖。
友人 A 要飲「冬蔭公」，就係酒店附近食店落腳。
嘩噻！幾好飲咼，唔係好辣，連怕辣既友人 S 都飲兩碗。
時光飛逝，又搞到三點幾先還返 d 電單車，一陣再去第二區。
如果唔係有幾件行理跟身，就會揸電單車去。
green park 出面條小路同海豚交匯之間有一間出租車檔，
問價去 sunset park resort 要 300 銖，
由 pattaya 去機場要 1300 銖，ok 無問題，俾埋 depost。
照我所知 sunset park resort 箇邊比較偏 d
可能無電單車租，如果唔想周圍搵租車檔的話
可以揸電單車跟入去。
但大家唸住唔會卦，邊行邊睇啦。
一路上佢地三個已經訓著，我要認路丫嗎。
七人車向著羅勇省方向行，大約廿分鐘後
我見倒路顯示轉右 u turn 就係 sunset park resort，
但係司機好似唔知，繼續直去…我唯有出聲，叫司機 u turn 啦。
呢個時候佢地三個醒啦…
友人 S 見到甘似郊外既？
就心都實晒…「死啦！甘偏辟…點出去浦呀？想租車都無啦！」
哈哈！又唔使愁既。
去到 sunset park 已經差不多五點，雖然酒店有提供shuttle bus，但班次疏，夜晚又停駛…
《過左南芭提雅後，沿著 sukhumvit road 一直行
係條入郊區六線雙程行車既公路两旁，
有好多各大 resort 入口指示牌
當見到 sunsetpark 個指示牌後
u turn 再轉左，轉上山路再落山，
大約四五分鐘車程就見倒大堂
有次仲見到「大笨象」呀！
但酒店好正，間間都係獨立木屋，
有 d 向海、有 d 建築係河畔之上，我地 book 後者，
仲可以從露台落樓梯去扒艇，又有自己既私人沙灘，》
如今只有趁天色未黑，趕返去 pattaya 再租電單車，
如果唔係的話，一日三餐都要幫親酒店
點去夜浦？！一定悶死。
放低行理係 reception 後，都未入房
就跟返送我地來既車出 pattaya ，順便認清條路。
今次租得平 d ，租两日，260 銖一架。
再透過個 guide 買明日泰拳 vip 入場券，四張一共 4800 銖，
共用基金所餘無幾，四個人再夾多 4000 港幣。
當時差唔多六點，揸快 d 趕返去，應該睇倒日落。
今次由我帶路，穿過 central pattaya road 東行時，
嘩！落著好大雨…團友商議後，安全要緊，搵間食店先避雨。
終於入到 pattaya third road 一間小店，得老闆娘一個做，
我地自己動手炒蛋，狂叫不知名串燒…都幾好玩丫！
咦…無雨啦！上車走得
經落雨阻一阻後，晚上 6 點 50 分，天色已晚…
入 seven 買d啤酒汽水之類，作為中途休息。
哈！終於點先返到 sunset park
由於之前太趕，仲未曾般行理入房！
Check 晒两間房都ok後，就四周圍巡下酒店設施
一至認為明朝要好好享受。
今晚餐飯又去邊「樹」食呢？
待續.....
芭堤雅 市隆食海鮮, 睇泰拳 按此
上一站
芭堤雅自由行 五日四晚 (part 1)
按此
