今朝例牌去食早餐先 , 早餐同昨日一樣內容。
今日 last day , 要歎 infinite pool 囉。
攞齊用品 , 作呢個 trip 既最後一晒 。
infinite pool 呢邊原來都有按摩池架 !
今朝睇見友人 J 同友人 S 酒醉後無乜事呀 ! 放心 d。
今日約左出租車 , 1 點入來 sunset park 接我地 ,
友人 A 女同 d 行理就會用 7 人車送到還車地點
面三個男人就揸電單車到還車地點
還完車就一齊坐 7 人車去機場
正當各自收拾行理既時候
友人 J 神情唔妥原來搵唔倒佢部相機
四個人反轉兩間房都搵唔倒
所以未能提供相片，
先返去還車，三架電單車跟著七人車後面，
電單車馬力好細，最快只不過 100 km ，
直路追唔倒七人車，只係藉著停紅綠燈追返。
廿分鐘後，我同友人 J 、友人 A 已返到還車地點…
但過了… 5 分鐘… 10 分鐘… 20 分鐘…都未見友人 J ！
難道蕩失路…無理由…已經行過 N 次！
25 分鐘過後仲未見人…噢！
難道發生意外…炒車！
友人 J 又無帶手提電話，如何是好？
三人商議後，決定由我搜尋友人 J
我只能沿著來路碰運氣。
因為要趕去機場，所以只有廿多 分鐘搜尋時間
不論搵唔搵倒友人 J 都要返還車地點。
好彩！當我在半途中，接到電話
友人 J 已經到達！原來友人 J 真係行錯路！
從芭堤雅去曼谷機場一路暢順，團友一齊…ZZZ…
去到機場 check in 後，共用基金仲有 5000 銖，
先買 d 手信、boot 、冬蔭公杯麵……
反正未食飯，一於在機場食好 d
順便飲晒 d 既威士忌……（今次我飲最多）
原來烈酒放落膠樽長時間，真係會中「膠毒」
因為當飛機升空一刻，酒量幾好既我
完全不知情，簡直昏迷，
直至到香港步出機場…仍然「膠膠地」
後記 :
我地去 pattaya 既主要目的有兩個 ,
第一 , 係去一個靚外島浮潛
koh sak ........um....... 芭堤雅水域黎講
算ok啦 , (當然比唔上其他潛水勝地)
第二 , 係睇泰拳
旅程中正好有比賽 , 雖然 唔係大賽 ,
但氣氛勁好 , 如果懂得投注更加好
酒店方面 , 靚風景靚沙灘 , 就唔會係市中心 ,
下次再去 , 都會租兩三日離開市中心 既酒店
但租私家車定係電單車 , 就好難選擇
總之油錢超平!!
其實仲有 lake surfing , 同射飛靶 , 都好想玩 ,
無奈唔夠時間 , 下次再玩過
沒有留言:
張貼留言